Tadbirkorlik sub'ektlaridan yer uchastkalarini davlat va jamoat ehtiyojlari uchun olib qo‘yishni keskin kamaytirish, yer uchastkalarini olib qo‘yish va olib qo‘yilayotgan yer uchastkasida joylashgan ko‘chmas mulk ob'ektlari mulkdorlariga kompensasiya berishda amaldagi qonunchilik talablariga qat'iy rioya qilish, tadbirkorlik sub'ektlaridan yer uchastkalarini olib qo‘ygunga qadar belgilangan vazifalarni amalga oshirishning muqobil yechimlarini izlash va qo‘llash (jumladan, investisiya loyihalarini amalga oshirishda olib qo‘yilishi nazarda tutilayotgan yer uchastkasida joylashgan ko‘chmas mulk mulkdoridan ko‘chmas mulkni qonunchilikda belgilangan tartibda sotib olish va b.)

Tadbirkorlik sub'ektlarining muammolarini joyida hal qilish bo‘yicha amaliy ishlarni jadallashtirish, muammolar yuzasidan murojaat (shikoyat) qilishning oldini olish maqsadida mazkur muammolarni tadbirkorlar bilan birgalikda hal etish choralarini ko‘rish, asosli va o‘z tasdig‘ini topgan shikoyatlar va arizalar yuzasidan tegishli kamchiliklarga yo‘l qo‘ygan mansabdor shaxslarni intizomiy javobgarlikka tortish va kelgusida mazkur holatlarga yo‘l qo‘ymaslik bo‘yicha kechiktirib bo‘lmaydigan choralarni ko‘rish

Band bo‘lmagan aholini tadbirkorlikka keng jalb qilish bo‘yicha mahalliy davlat hokimiyati organlari, Yoshlar ittifoqi, O‘zbekiston fermer, dehqon xo‘jaliklari va tomorqa yer egalari kengashi, aholini bandlikka ko‘maklashish markazlari va boshqa mutasaddi tashkilotlarning hamkorligini kuchaytirish, tadbirkorlikni aholi o‘rtasida doimiy targ‘ib qilib borish, sohaga yangi kirib kelayotgan aholiga o‘zini oqlaydigan biznes rejalarni tuzish va ularni amalga oshirish sirlarini o‘rgatish, motivasion seminarlarni tashkil etish, tadbirkorlarning faoliyatini vaqtincha to‘xtatish yoki tugatishga sabab bo‘layotgan muammolarni tahlil qilish va ularni bartaraf etish bo‘yicha amaliy choralar ko‘rish hamda tegishli takliflarni shakllantirib, ko‘rib chiqish uchun Hukumatga kiritish, uzoq muddat faoliyat yuritayotgan tadbirkorlarni rag‘batlantirish bo‘yicha turli tanlovlar o‘tkazish va tanlov g‘oliblarini qimmatbaho sovg‘alar bilan rag‘batlantirish

Davlat organlari, tashkilotlari va muassasalari egaligida bo‘lgan bo‘sh turgan va foydalanilmayotgan ob'ektlarni Davlat aktivlarini boshqarish agentligi bilan hamkorlikda tadbirkorlik maqsadlarida berish (ijaraga berish, ob'ektlar faoliyatini tiklash, sotish, davlat-xususiy sheriklik asosida berish, kichik sanoat (erkin iqtisodiy) zona tashkil etish) ishlarini jadallashtirish, shuningdek bo‘sh turgan yer uchastkalarini elektron auksionga joylashtirish ishlarini kuchaytirish

Soliq organlari va tadbirkorlik sub'ektlarining o‘zaro hamkorligi kuchaytirish, shuningdek soliq masalalari bo‘yicha maslahat xizmatlari sifatini oshirish, hududda yashirin iqtisodiyotga qarshi kurashish choralarini ko‘rish hamda tadbirkorlik sub'ektlari orasida yashirin iqtisodiyotning jamiyat uchun salbiy oqibatlarini targ‘ib qilish ishlariga alohida e'tibor qaratish

Hududda tadbirkorlik sub'ektlari tomonidan aholini ish bilan ta'minlanishi ko‘rsatkichini oshirishda quyidagi ishlarni amalga oshirish tavsiya etiladi:

mehnat va adliya organlari birgalikda tadbirkorlik sub'ektlari tomonidan aholini ish bilan ta'minlashda ular bilan qonuniy mehnat shartnomasini tuzish zarurati, mehnatni muhofaza qilish bo‘yicha amalga oshirilishi lozim bo‘lgan tadbirlarni, shuningdek ish beruvchi va xodimlarning huquqlarini tushuntirishga qaratilgan tadbirlarni tez-tez o‘tkazib turish amaliyotini joriy qilish;

ish beruvchilar uchun “Yagona milliy mehnat tizimi” axborot kompleksidan foydalanishni o‘rgatishga qaratilgan o‘quv-seminarlarni tashkil etish;

haq to‘lanadigan jamoat ishlarida buyurtmachi-ish beruvchi sifatida ishtirok etuvchi tadbirkorlik sub'ektlarining ko‘lamini kengaytirish; 

xodimlarni noqonuniy (mehnat qonunchiligi talablarini bajarmagan holda) ishlatishning salbiy oqibatlarini tadbirkorlik sub'ektlari orasida targ‘ib qilish; 

mehnat, soliq va huquqni muhofaza qiluvchi organlar o‘zaro hamkorlikda xodimlarni norasmiy ishlatish holatlarini aniqlash va ularni bartaraf etish bo‘yicha keskin choralar ko‘rish;

mehnat va soliq organlari tomonidan xodimlarni norasmiy ishlatishga sabab bo‘layotgan omillarni aniqlash, tahlil qilish va ularni bartaraf etish bo‘yicha choralar ko‘rish, shuningdek tegishli takliflarni Hukumatga kiritib borish